[b] ..{ شُجَاعَةْ..بَسْ لاَ شِفْتَكْ كَيَانِيْ يَابَعْدِي يْنْهَارْ..}.. [/b]

بسم الله الرحمن الرحيم..




السلام عليكم ورحمة الله وبركاته..
صـبـآحـكم \ مـسـآكـم .. شــعــر ..
قصيده تحمل بجعبتهاا الكثيير من الاحساس والحب والمعاني..
راقت لي جداً جداً فنقلتها لعلها ترتقي لذائقتكم’’’..





بحاول أوصف احساسي تجاهـك وأنثـر الأمطـار..
بحاول.. بس يا الغالي شعوري صعـب تفسيـره !..

أنا من يومني بنت(ن) صغيره والقلـوب كبـار..
بلانـي ربـي بحبـك , وعشـت بعالـم الحيـره ..

أنا من يومني طفله وأنا لـي بالهـوى تذكـار..
عشقتك من صغر سني , يا زين الوصف والسيره..

صحيح اني صغيره حيل , ومن حولي بنات صغـار..
صحيح همومنـا لعبـه , وكـل أحلامنـا صغيـره ..

طموح البنت في عمري , عروسه ولعبة استشوار..
و أنا كل اهتماماتي , عيونـك ياضيـا الديـره ..

في مدرستي عجزت أفهم دروسي والبلا أفكـار..
أفكر فيك يـا خلـي .. وزاد الشـوق تفكيـره..

أنا مـا همنـي درسـي .. ولا همونـي الشطـار..
تجاهلـت الفصـل كلـه .. عباراتـه .. طباشيـره ..

كتبت اسمك على هاك الدفاتـر يالغـلا تكـرار..
رسمت قلوب ورديه , سكنها أنت , من غيـره ؟ ..

الا ياليتنـي بنـت(ن) , تعـرف تنظـم الأشعـار..
يمين الله لأكتـب لـك قصايـد تفضـح الغيـره ..

كبرت اليوم يا الغالـي وزاد بقلبـي الاصـرار..
على حبك , وحب اللـي يحبـك فـاق تعبيـره ! ..

جذبت عيوني الثنتين , الا يـا ملفـت الأنظـار..
سكنت حدود نبضاتي , بـدون اجـراء تأشيـره..

فداك اللي تبـي آمـر , تمنّـى يالغـلا واختـار..
لو انك تطلب عيوني , لأقول ان العمى خيـره ! ..

جميع اللي تبي حاصل , حشى ما أنطـق الأعـذار..
ولو يتعـذر قليبـي , حشـى ماأقبـل معاذيـره ..

تأشرّ باصبعك للشيء , تلقى مطلبـك قـد صـار..
فخـــــــورة لو أجيبه لك يا سيد القلـب يـا أميـره ..

تبعثرني هموم البعد , وتبحر بـي كمـا البحـار..
غزاني موج بُعد الخـل , ولا وضـح لـي تبريـره ..

متى ألقى مراسي اليم , وتلطف فينـي الأقـدار..
ألا يـا بختـي بشوفـه , ألا ياليتـنـا جـيـره ..

أنا من لامنـي بحبـك , عسـاه لقصـــــرة الأعمـار..
تلوموني على شخص(ن) , حلاه احلى من الشيره ؟ ..

قالوا لي تحبينـه ؟ وقلـت ان الحـروف كثـار..
أحبـه وأعشقـه وأهـواه, ولا أرضـى بتغييـره ..

شجاعة , بس لا شفتك , كياني يا بعـدي ينهـار..
قوية , لكن قبالـك , شعـوري صعـب تظهيـره ..

عيونك يا بعد كلـي , تهـز الفـارس المغـوار..
شموخك مفخـره للعـز , يذكرنـي بأساطيـره ..!

الى مني تباطيتـك , تولّـع فـي حشـاي النـار..
تزوّد جرعة الأحزان , تزيـد القلـب تخديـره ! ..

واذا يا عيني لاقيتك , يثـور بداخلـي اعصـار..
أطيـر بعالـم الفرحـه , تقيّـدنـي أسـاويـره ..

لو انك تدري بحبك , كم لـه داخلـي مقـدار..
يطير العقل يا خلي , كأنك شارب(ن) بيـره !!..



مما لامس قلبي